Símanotkun í Laugalækjarskóla
Það er sameiginleg sýn okkar í skólanum að samvera nemenda á skólatíma skuli einkennast af virkum og jákvæðum samskiptum sem efla þá félagslega. Með það í huga kynnum við nýjar reglur um farsímanotkun á skólatíma. Við köllum reglurnar símafrí.
Símafrí - reglur um farsímanotkun nemenda
Notkun ungmenna á farsímum er ekki endilega andhverfa jákvæðra samskipta. Við erum meðvituð um að stundum er notkun símanna bæði uppbyggileg og skemmtileg. Engu að síður viljum við draga úr skjátíma ungmenna og stuðla að því að þau noti frímínútur í félagsleg samskipti án tækninnar. Mörg eiga eiga erfitt með að takmarka notkun sína á tækjunum. Með símafríi viljum við líka koma í veg fyrir óumbeðnar myndatökur í skólastarfinu.
Nemendum stendur alltaf til boða að hringja úr skólanum, einfaldast er að gera það af skrifstofu skólans. Einnig geta foreldrar náð sambandi við nemendur í gegnum skrifstofu skólans í síma 4117900
Símafríið - útfærslan
Nemendur eru vinsamlegast beðnir um að gefa símunum algert frí á meðan skóladeginum stendur. Foreldrar geta valið um tvær leiðir til að láta símafríið ganga upp.
- Nemendur skilji símann sinn eftir heima.
- Nemendur hafi símann með í skólann en afhendi hann stjórnendum við upphaf skóladags og fái hann aftur við lok skóladags.
Við í skólanum hvetjum foreldra eindregið til að velja leið 1. Ef foreldrar telja mikilvægt að síminn fari með nemendum í skólann þá er auðsótt að fá símann geymdann hjá stjórnendum.
Sjáist nemandi með síma mun starfsfólk skrá "Óheimil tækjanotkun" inn á Infomentor og foreldrar geta þá brugðist við heima fyrir.